Policia e Kosovës në rajonin e Gjilanit arreston një person të dyshuar për “armëmbajtje pa leje”

Gjilan – Të enjtën Policia e Kosovës, konkretisht hetuesit e stacionit policor në Gjilan (NJHK) në funksion të realizimit të detyrave dhe autorizimeve ligjore kanë ndërmarr një operacion bastisje-kontrolli në fshatin Kufcë i epërm ( K.K. Novobërdë), lidhur me një rast të mëhershëm (në kërkim të disa dëshmive) dhe gjatë bastisjes në shtëpinë dhe në objektet ndihmëse (hambarë) të personit të dyshuar mashkull kosovar (viti i lindjes 1967) janë gjetur dhe konfiskuar si dëshmi materiale:

• një pushkë automatike me pesë (5) karikatorë,
• njëqind e tetëdhjetë e katër (184) fishekë të kalibrit 7.62 mm, dhe
• një pistoletë TT, me dhjetë (10) fishekë dhe
• dy karikatorë (kalibri 7.62)

Me urdhër të Prokurorisë kompetente i dyshuari dërgohet për 48 orë në mbajtje, për procedura të mëtejme hetimore njoftoi policia e Kosovës./rajonipress/