Policia e Kosovës në Gjilan arreston katër persona të dyshuar, për “Vjedhje të rënda”

Gjilan – Policia e Kosovës, njësitet e hetimeve tê stacionit policor të Gjilanit, pas një periudhe hetimi dhe grumbullimi të provave përmes rrugëve operative, të premtën kanë arrestuar katër të dyshuarit (dy madhor dhe dy të mitur) që të gjithë shqiptar shtetas të Kosovës, pasi që për të njëjtit ekziston dyshimi se më datën 10.04.2019 në një market në Fshatin Livoç i ulët komuna e Gjilanit, në bashkëveprim kanë kryer veprën penale “Vjedhje” me ç’rast kanë vjedhur cigare të llojeve të ndryshme si dhe një shumë të parave.

Po ashtu ekziston dyshimi i bazuar se të njëjtit janë të përfshirë edhe në vepra tjera penale “Vjedhje” dhe “Vjedhje të rënda”, të cilat kanë ndodh në rajonin e Gjilanit dhe Vitisë ku hetuesit policor kanë arrit të sigurojnë prova të qëndrueshme për disa raste ku dyshohet se se këta persona janë të involvuar.

Të dyshuarit janë intervistuar në prani të avokatëve mbrojtës. Dy të dyshuar madhorë janë ndaluar në qendrën e mbajtjes për 48 orë ndërsa dy të miturit janë ndaluar për 24 or. Rastet janë duke u hetuar nga hetues policor të Policisë së Kosovës njoftoj Ismet Hashani./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).