Policia e Gjilanit nderon me aktivitete sportive zyrtarët e rënë në detyrë

Gjilan – Sindikata e policisë së Kosovës në shenjë nderimi dhe respekti për zyrtarët e rënë në detyrë ka organizuar edicionin e VII -të të lojërave sportive në futboll të vogël, në qytetin e Gjilanit.

Në hapje të këtij eventi sportiv të pranishëm kanë qenë familjar të policëve të rënë në detyrë, epror të lartë nga Drejtoria e përgjithshme e Policisë së Kosovës, epror nga Drejtoria Rajonale e policisë së Kosovës në Gjilan, zyrtar Komunal.

Po ashtu në këtë event sportiv kanë marr pjesë mysafir të Sindikatave policore nga Shqipëria, Kroacia dhe Maqedonia. Shtatëmbëdhjetë ekipe futbolli nga të gjitha drejtorit e Policisë së Kosovës kanë treguar përgatitje dhe cilësi të larta sportive. Garat do të vazhdojnë edhe ditën e nesërme./rajonipress/