Policia e Gjilanit me plan operativ “Siguria në komunikacion”

Gjilan – Me qellim që të preventojmë dhe krijojmë siguri në komunikacionin rrugorë, Policia e Kosovës , njësitë e trafikut rajonal në Gjilan, vazhdojnë me aktivitete për parandalimin e aksidenteve në komunikacion, duke realizuar planin operativ “Siguria në komunikacion”.

Gjatë zbatimit të detyrave për identifikimin e kundërvajtjeve të ndryshme si për “rrip të sigurisë”, “ngarkesë jo të siguruar gjatë transportit”, “mungesa e dokumenteve përkatëse”, “gjendje teknike jo të rregullt e automjetit” , “drejtim i automjetit nën ndikim të alkoolit”,”tejkalimi në vi të plotë”, e kundërvajtje të tjera policia e trafikut rrugor në rajonin e Gjilanit për periudhën kohore 01 korrik deri me 18 korrik 2021 ka shqiptuar gjithsejtë njëmijë e treqind e njëzet (1320) gjoba trafiku për kundërvajtje në total.

Vlen të ceket se nga ky numër i kundërvajtjeve janë konfiskuar gjithsejtë shtatëmbëdhjetë (17) patentë shofer.

Aktivitete të ngjashme për sigurinë në komunikacionin rrugor do të ketë në vazhdimësi.

Policia e Kosovës falënderon qytetarët dhe mediat për ndihmën që po ofrojnë në identifikimin e kundërvajtësve të ndryshme, dëshmi që po dërgohen të faktuara përmes fotove dhe videoingjizimeve të ndryshme .

Kryesisht kundërvajtjet që po identifikohen si “tejkalimi në vijë të plotë”, “përdorimi i telefonit gjatë vozitjes”, “kontrollimi i motoçikletave” pa dokumente valide etj.,kontrollet do të vazhdojnë në të gjitha rrugët por edhe në vetë qytetin e Gjilanit, duke e monitoruar rrjedhën e trafikut edhe përmes Dronit të autorizuar nga kompetentët.

Policia e Kosovës është e përkushtuar për krijimin e një ambienti të qetë dhe të sigurtë për të gjithë thuhet në njoftimin e Ismet Hashanit./ajonipress/

Shpërndaje.
© RAJONIPRESS