Policia e Gjilanit kërkon përkrahje më të madhe nga MPB-ja

Gjilan – Të mërkurën në Drejtorinë Rajonale të Policisë në Gjilan për një vizitë pune ka qëndruar Izmi Zeka. Zeka është pritur nga zëvendës Drejtori Rajonal Nënkolonel Shaban Azizi bashkë me epror rajonal i cili e njoftoi Zekën lidhur me situatën e sigurisë në rajon dhe për punën e angazhimet që janë duke ë bërë për ofrimin e një ambienti sa më të sigurtë për jetë dhe punë të të gjithë qytetarëve.

Në takim u përmendën rezultatet e punës dhe sfidat me të cilat ballafaqohet Policia gjatë kryerjes së detyrave të përditshme.

Zeka inkurajoi stafin Rajonal të policisë në Gjilan për të vazhduar me trendin e punës në parandalimin dhe luftimin e kriminalitetit dhe dukurive tjera negative.

Theks i veçantë iu kushtua luftimit të narkotikëve, vjedhjeve dhe aksidenteve në trafikun rrugor.

Nga nënkoloneli Azizi u theksua nevoja e përkrahjes më të madhe nga MPB për krijimin e kushteve më të mira të punës dhe mbështetje më e madhe logjistike në vetura dhe pajisje tjera të domosdoshme për punë thuhet në njoftimin e policisë së Gjilanit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).