Policia e Gjilanit arreston një person që posedonte armë dhe narkotik

Gjilan – Të enjtën rreth orës 03:05, policia e Kosovës njësitet patrulluese nga stacioni Policor i Gjilanit, gjersa ishin duke patrulluar në rrugën “Idriz Seferi” kishin vërejtur një veturë BMË ngjyre hiri me tabela 01 e cila ishte e parkuar në s`kaj të rrugës, në veturë kishin qenë dy persona, gjatë kontrollimit të personave në fjalë i dyshuari A.S. shqiptar shtetas i Kosovës kishte arritur të ik. Zyrtarët policor kanë filluar ndjekjen dhe pas pak kanë arritur ta ndalojnë, dhe arrestojnë në afërsi të Zjarrfikëseve, personin e dyshuar, dhe gjatë kontrollit detal i është gjetur një armë zjarri Pistoletë e markës ZORAKI M 906-B me tre fishekë të kalibrit 7.65 mm.

Gjatë hetimeve në vazhdim përmes veprimeve operative, sot rreth orës 08:00, Policia e Kosovës Njësitet Anti drogë kanë pranuar një informatë të besueshme se personi i cili është arrestuar në orët e hershme të mëngjesit për veprën penale “Mbajtje në pronësi, kontroll e pa autorizuar e armës”, mundë të ketë në posedim substancë narkotike. Me autorizim të Gjyqtarit të Procedurës Paraprake, Njësiti Anti drogë dhe Njësiti i hetimeve për Krime të Rënda në Gjilan të asistuar nga njësitet Patrulluese të Stacionit Policor kanë kontrolluar banesën e të dyshuarit në Rrugën “Idriz Seferi” këtu në Gjilan ku gjatë kontrollit është gjetur dhe sekuestruar një qese me substancë narkotike të dyshuar Kokainë me peshë 1.7 gram e cila është sekuestruar në cilësi të provave materialë.

I dyshuari është intervistuar në prezencë të avokatit mbrojtës dhe me aktëvendim të Prokurorit të shtetit i njëjti ndalet në mbajtje për 48 orë.

Ai ngarkohet për dy veprat penale.
1:”Posedim i Paautorizuar i Narkotikeve te Rrezikshëm dhe Substancave Psikotropike neni 275” ,
2: “Mbajtje në pronësi, kontroll e pa autorizuar e armës”.

Rasti procedohet në PTHDKP në Gjilan për procedim të mëtutjeshëm njoftoj Ismet Hashani./rajonipress/