Policia bastisë shtëpinë e vitiasit, konfiskohen armë, thika e fishekë

Viti – Drejtoria Rajonale Gjilan, Njësia e Hetimeve në stacionin policor në Viti pas marrjes së informatave përmes rrugëve operative me mbështetje të njësiteve patrulluese ka bërë bastisjen në shtëpinë dhe objektet përcjellëse të të dyshuarit D.K.(1971) shtetas kosovar, se ai posedon armë zjarri.

Gjatë bastisjes si provë materiale janë gjetur dhe konfiskuar:
-Një revole, model 70 “Crvena Zastava’ prodhim YU .
-1 karikator me gjashtë (6) fishekë kalibër 7.65 mm
-1 karikator i zbrazur
-36 fishekë kalibër 7.65 mm
-1 thikë
-1 boks metali

I dyshuari është arrestuar nga Policia e Kosovës dhe pas intervistimit në prani të avokatit mbrojtës me urdhër të Prokurorit të Shtetit, rasti me kallëzim penal “Mbajtja në pronësi, kontroll ose posedim i paautorizuar të armëve” procedohet në procedurë të rregullt në Prokurorinë Themelore Gjilan./rajonipress/