Policia arreston katër të mitur, dëmtonin veturat në qarkullim në fshatin Bresalc

Gjilan – Me 19.07.2015 dhe 21.07.2015 në Stacionin policor në Gjilan janë raportuar gjithsejtë shtatë (7) raste, ku ankuesit kanë raportuar se derisa me veturat e tyre kanë qenë duke qarkulluar në magjistralen Gjilan – Prishtinë saktësisht në fshatin Bresalc, persona të panjohur kanë gjuajtur me gurë, me ç’rast ankuesve u janë dëmtuar veturat, kryesisht u janë thyer xhamat dhe dëmtime tjera njoftoj policia e Gjilanit.

Sipas policisë pas një pune intensive hetimore, policia e Kosovës, njësitet e hetimeve të stacionit policor të Gjilanit kanë arritur, t`i identifikojnë dhe arrestoj katër (4) të dyshuar Shqiptar Shtetas të Kosovës të gjithë të mitur.

Ata janë sjellur në lokalet e stacionit policor dhe janë intervistuar në prezencën e avokatëve mbrojtës dhe punëtorëve social.

Janë gjetur prova të qëndrueshme se të gjithë ata kanë qenë të involvuar në kryerjen e veprave për të cilat dyshohen.

Të dyshuarit me vendim të Prokurorit të shtetit janë ndaluar në qendrën e mbajtjes për 24 orë. Rastet janë proceduar veç e veç në Prokurori./rajonipress/