Policia arreston dy shqiptar nga Lugina, konfiskohet kokainë, para dhe telefona

Gjilan – Policia në Gjilan ka arrestuar dy të dyshuar për posedim të substancave narkotike. Me 19 gusht 2019 rreth orës 19:25, Policia e Kosovës njësitet, për reagim të shpejtë, nga Drejtoria Rajonale e Policisë së Kosovës, gjatë punëve operative në teren, kanë ndaluar veturën e tipit Audi me targa BU, në të cilën veturë gjendeshin dy persona, që të dy shqiptar shtetas të Serbisë.

Me të filluar Kontrollimin, dhe legjitimimin e personave në veturë i dyshuari M. R. Drejtuesi i veturës ka ikur nga vendi i ngjarjes me vrap ku pas një distance është arritur të ndalet, edhe përkundër mos respektimit të urdhrave policor dhe rezistencës së vazhdueshme i dyshuari futet nën kontroll dhe arrestohet nga ana e policisë, në një nga bodrumet e një kompleksi banesor, në tentim për t`iu shmang arrestit nga polica e Kosovës.

Në afërsi të vendit të ndaljes është gjetur dhe konfiskuar një sasi e dyshuar e substancës narkotike që besohet të jetë e llojit Kokainë. Të dyshuarit janë sjell në stacionin policor këtu në Gjilan.

Substanca e dyshuar e llojit Kokainë ka peshuar 56.4 gram.Përveç substancës narkotike janë konfiskuar edhe 4 telefona celular, 90 Euro, 980 Dinar serb dhe një veturë e tipit Audi, si prova materiale për Gjykatë.

Lidhur me rastin është njoftuar Prokurori i Shtetit. Të dyshuarit, janë intervistuar në prani të avokatëve mbrojtës. Pas procedurave ligjore që të dy të dyshimtit ndalohen në mbajtje policore për 48 orë.

Rasti “Blerja ,posedimi shpërndarja dhe shitja e paautorizuar e narkotikëve, substancave psikotrope dhe analoge, procedohet për hetime të mëtutjeshme te njësitet e specializuara anti drogë njoftoi Toger Ismet Hashani./rajonipress/