Gjilan – Prokuroria Publike Komunale në Gjilan ka ngritur propozim akuzën ndaj policit Fehmi Berati nga Kaqaniku , nën dyshimin se ka dëmtuar familjen e të ndjerit Nebih Berati , duke marrë nga Kadrush Rexhepi pronar i Banjës së Kllokotit 200 euro, gjoja në emër të ceremonisë së varrimit.
Prokuroria Publike Komunale në Gjilan ka ngritur propozim akuzën ndaj policit të Kosovës Berat Ahmeti nga fshati Kaqanik i Vjetër, për veprën penale “mashtrimi”.
Sipas akuzës që e ka ngritur prokurori Arben Ismajli , polici Ahmeti dyshohet se me datën 25 dhjetor 2011 me qëllim që vetit t`i sjellë dobi pasurore me anë të paraqitjes së rreme-mashtrimit, ka deklaruar se familjarët e të ndjerit Nebih Berati i cili ka vdekur në Banjën e Kllokotit pronë e Kadrush Rexhepit, e ka gjendjen e vështirë dhe nuk ka mjete as për ceremoninë e varrimit.
I pandehuri sipas propozim akuzës nga i dëmtuari Kadrush Rexhepi ka marrë 200 euro në emër të shpenzimeve të varrimit, të cilat të holla nuk ia ka dhënë familjarëve të të ndjerit, ashtu që të dëmtuarit i ka shkaktuar dëm material në vlerë të 200 eurove.
Është interesant fakti se prokuroria pos deklaratave të të dëmtuarit, të pandehurit dhe të dëshmitarëve ka futur si prova edhe bisedat e bëra nëpërmjet facebookit dhe sms e fotokopjuara të të pandehurit./rajonipress/
