Policat trashin fitimet e kompanive të sigurimeve

Aplikimi i tarifave kufitare për veturat me targa të Serbisë dhe Malit të Zi, ua kanë trashur fitimin e kompanive të sigurimit në Kosovë.

Për nëntë muaj kompanitë kanë shitur 578.1 mijë polica të sigurimit, apo 24.3 për qind më shumë se vitin e kaluar.

Në buletinin mujor të Bankës Qendrore të Kosovës, thuhet se sistemi i kompanive të sigurimit vazhdoi të zgjerojë aktivitetin e tij edhe gjatë tremujorit të tretë të vitit 2012, shkruan “Zëri”.

Sipas buletinit të BQK-së, vlera e parimeve të pranuara gjatë kësaj periudhe arriti në 63.3 milionë euro, duke shënuar rritje vjetore prej 7.9 për qind.