“Poker” i Dritës në Klinë

Futbollistët e Dritës në javën e tretë të Superligës së Kosovës në futboll, në stadiumin “18 Qershori” në Klinë, kanë mposhtur skuadrën e Dukagjinit me rezultat 4-0.

Që nga fillimi është vërejtur se futbollistët e Dritës ishin për një klasë më të mirë se futbollistët e Dukagjinit, duke mposhtur portierin Altik Muhaxherin gjatë 90 minutave katër herë.

Serinë e golave e hap në minutën e 9-të, Xhevdet Shabani në mes këmbëve të Muhaxhirit gjen rrjetën për rezultatin 1-0.

Golin e dytë “bardh e kaltërtit” e Dritës e shënojnë në minutën e 44-të, Benjamin Shabani pas dy tentimeve arrinë ta plason topin në rrjet.

Vendasit rast të mirë shënimi patën në minutën e 55 e 60, por gjuajtjet e Jashanicës e Demirit portieri Darko Tofilovski i mbron pa problem.

Në minutën e 75-të, Xhevdet Shabani si mjeshtër i vërtet nga gjuajtja e lirë nga 16 metra gjen këndin e majtë të poshtëm të Muhaxhirit duke ngritë epërsinë në 3-0.

Në minutat shtesë në atë 91-të, Betim Haxhimusa nga afërsia me lehtësi mposht Muhaxhirin e Dukagjinit, duke ju dhuruar “poker” skuadrës së re të Superligës Dukagjinit.

Ndeshjen e javës së katërt Drita e zhvillon në shtëpi kundër Feronikelit./rajonipress/