Pograxha ende me probleme të infrastrukturës, e merr uji

Gjilan – Edhe pse në fshatin Pograxhë pothuajse janë asfaltuar shumica e rrugicave, megjithatë problemi me vërshimet ende nuk është eliminuar. Kështu dukej të hënën rruga tek zyrja e vendit dhe lagja kah Morava.

Nuhi Mustafa banor në këtë fshat tha për rajonipress se rruga që ndodhet tek zyrja e vendit dhe në drejtim të Moravës është vërshuar të hënën nga uji. “Luta ka premtuar se do ta asfaltojë edhe këtë pjesë po si duket donë me na zënë dimri dhe ne do të kemi telashe serioze”tha Mustafa.

Mustafa tha se do të ishte dëm i madh nëse kjo rrugë mbetet anash sepse probleme do të kemi gjithmonë në kohën e reshjeve atmosferike./rajonipress/