Poezia që fitoi Çmimin e dytë në konkursin anonim letrar
Asgjë e pazakontë në botën amë, Shën Asht
Sarë GJERGJI
SHËN ASHT
1.
Asgjë e pazakontë në botën amë
Shën Asht
këtu jetojnë si dikur
të hyjnueshmit pushtetarë të uritur, tmerrësisht të uritur
dhe ne – një grumbull eshtrash nën lëkurë murosur
Asgjë e pazakontë,
Shën Asht,
tashmë në rrugët prej rëre
Atdheun e kryqëzojmë për mo(r)t
ndryshe s’do ishim bijtë e Territ
2.
N’(udhë)kryq të kryqëzojmë për tridhjetë aspra
Shën Asht,
njësoj si Krishtin,
ndonëse me gjymtyrët e tua
Trupi ynë u bë dikur
Sot,
merimangat kokën tonë mbështjellin
e rërës çmendurisht i këndojmë,
Shën Asht
gjuhë e Atit tonë po dvaret
Shën Asht
Shën Asht
si të shëmbëllejmë me veten tonë
-me Agimin
Shën Asht