Poezi për mësuesin Ali

Nga Sevdail Hyseni

Në këtë ditë shkurti
Ti o mësues i parë,
Na bashkove n’shkollë
Me nxënës e arsimtarë.

Ti o mësuesi Ali
Po shkon në pension,
Ti që mbolle dije
Në rrugëtimin tonë.

Na ndriçove mendjen
Me shkrim e lexim,
Si dhe për shumë vlera
Që s’maten me çmim.

Misioni i mësuesit
Është një udhë e gjatë,
Brez pas brezi ngrite
Nga një gjeneratë.

Edhe në shkollën tonë
Si pemët në degë,
Nxënësit e tu arritën
Që t’bëhen kolegë.

Kujtimet e nxënësve
Për mësuesin meritor,
Janë lulet e bukura
Të kopshtit jetësor.

Faleminderit o mësuesi Ali
Tani po shkon në pension,
Ta gëzoni me shëndet e lumturi
Me respektin tonë, përgjithmonë!

Sevdail Hyseni

(Kjo poezi i është kushtuar mësuesit Ali Rexhepi, të cilën e recituan nxënësit e Shkollës Fillore “Sami Frashëri”, paralelja e ndarë në Dobrosin, me rastin e pensionimit të tij, më 7 shkurt 2024, me një përvojë mbi 40 vjeçare në arsim)