Poetja nga diaspora Fatime Kalimashi – Hoti nxjerr nga botimi edhe veprën e katërt letrare “Udhëtoi“

Nga Ibrahim Sefedini-Gjenevë Zvicër – Diaspora shqiptare, pos sukseseve në procesin e integrimit në vendet ku jetojnë dhe veprojnë si dhe angazhimeve në mbështetje të vendit ku kanë lindur, një kontribut të çmuar është duke dhënë edhe në afirmimin e vlerave kulturore të vendlindjes. Kështu pos aktiviteteve dhe angazhimeve të ansambleve dhe shoqërive të ndryshme të formuara në diasporë, në vazhdimësi janë duke dal në pah edhe vlerat që ka populli ynë edhe në lëmin e poezisë dhe letrave shqipe edhe jashtë vendlindjes. Një shembull i tillë është poetja dhe shkrimtarja Fatime Kalimashi – Hoti, e cila brenda një kohe të shkurtër ka nxjerr në botim katër vepra të ndryshme letrare të cilat janë mirëpritur jo vetëm nga adhuruesit e artit shqiptarë por edhe i huaj. E lindur në fshatin Ratkoc të Rahovecit, Fatimja shkaku i kushteve dhe rrethanave të kohës në vitin 1995 u shpërngul për të jetuar në Saint Prex një qytezë afër Llozanës në Zvicër.

Por, përkundër vështirësive me të cilat u përballën mërgimtarët që u detyruan të lënë vendlindjen dhe marrin rrugën mërgimit,dhe obligimet që dolën si bashkëshorte dhe nënë e tre fëmijëve , kjo poeteshë dhe shkrimtare, gjeti forcë që krahas integrimit në vendin tjetër të angazhohet edhe në aktivitete të ndryshme që zhvilloheshin nga mërgata në këtë kohë.

Kështu ajo bë anëtare aktive e shoqatës humanitare “Nëna Terezë”, pastaj anëtare e Shoqërisë Kulturo Artistike “Ilirët” si dhe shumë organizimeve të ndryshme të kohës. “Nga karakteri jam një luftëtare e cila sfidohet me të gjitha problemet dhe filozofia ime e suksesit qëndron tek energjia pozitive që posedoi “, ka thënë ajo, duke potencuar se në këtë rrugëtim të saj rëndësi të madhe ka edhe mbështetja që ajo që nga fillimi ka pas nga bashkëshorti dhe fëmijët e saj. “Pa mbështetjen e tyre nuk do të isha këtu ku jam sot”, është shprehur Fatimja, duke potencuar edhe mbështetjen që ka has edhe nga aktivistë dhe anëtarë të shoqatave dhe shoqërive të ndryshme të mërgimtarëve të cilët i kanë dhënë mbështetje në këtë rrugëtim. “Falë kësaj mbështetje nga familja dhe njerëz të vullnetit të mirë sot kamë të botuara veprat “SHTEGTIMET E SHPIRTIT” -“NË UNIVERSIN E DASHURISË” -“MELODI E DHIMBJES” -“VOYAGE” ( UDHETOJ) , si dhe shumë poezi në gazeta të ndryshme”, shprehet Kalimashi –Hoti.

Ajo thekson se pasioni për të shkruar që e trashëgon që nga rinia e hershme, do ta shtyjë që të nxjerr edhe shumë botime tjera. “Shumë shpejt publiku shqiptar si dhe ai i huaj do të kenë në dorë edhe disa botime tjera të mijat shprehet “, Kalimashi – Hoti.

Për kontributin që ka dhëne Fatime Kalimashi –Hoti, me fjalë miradije shprehen edhe drejtues të shoqatave dhe mekanizmave të ndryshëm shqiptarë që veprojnë në diasporë. Tahir Shabani, kryetar i Shoqatës së Miqësisë Franko – Shqiptare, ka thënë se me këto vepra që ka botuar Fatime Kalimashi –Hoti, ajo ka dhënë një kontribut që duhet vlerësuar sepse me këtë po afirmohen edhe më shumë vlerat kulturore që ka vendi jonë edhe jashtë kufijve . “ Populli artdashës franko –fon, mirëpret veprat e artit nga e gjithë bota, andaj me këto angazhime si të Fatimes dhe artistëve të rinj, po i tregojmë këtij populli, se edhe populli shqiptarë ka vlera që duhet çmuar”, ka thënë Shabani.

Ai ka inkurajuar gjithë ata që merren me art dhe aktivitete tjera në diasporë që mos të ndalen së punuari, pasi vetëm kështu mund të prezanton më mirë vendin e tyre, në mesin e popujve të qytetëruar evropian./rajonipress/