Po zbrazet Malësia
RajoniPress
10:13, 24 Tetor, 2018
Teksti dhe muzika: Demir Krasniqi
Po na zbrazet gjithë Malësia ,
Po na zbrazen gjithë katundet ,
Po na ikin gjithë njerëzia –
Pa banorë ky vend po tundet !
Nuk ka ma n’ Malësi shtëpia ,
Nuk ka oda, as konak !…
I lanë shkret, ikën njerëzia –
S’ ke ku shkon ma në Gollak !
Nuk ka ma bagëti n’ Malësi ,
Nuk ka ma punë n’ bujqësi !
Blegtori , as bletari ,
Kopshtari , as pemëtari !
Nuk ka ma n’ Malësi bylmet ,
Tëlyen , djathë , as bereqet !…
S’ ka dyqane , as zejtari ,
Nuk ka fyej , as bari !…
Nëpër brigje dhe kodrina ,
Nuk shkon kush ma në shitore –
Janë mbet shkret rrugë e rrugica ,
Nuk shkojnë nxënës n’ shkollat fillore !
Rrugë , rrugica prej çdo anës ,
Me mall t’ madh ke me i kalua –
Por , nuk sheh kund asnjë nxënës ,
Me strajcë n’ krah n’ shkollë duke shkua !
Në livadhe , n’ kopsht , as n’ arë ,
Nuk sheh ma bujk , as kosëtarë !…
S’ sheh kortarë , nuk sheh kopshtarë ,
Nuk sheh , mësues , as arsimtarë !…
Kur t’ merr malli ndo i fshat me e mësy –
S’ ke konak ma ku me hy !
Kur sheh shkollat mbyllë me dry –
Lotët gurrë t’ rrjedhin nën sy !…
Gjilan, më 13.10.2018.
Demir Krasniqi
