Po u përbejë pashë Perëndinë

Po u përbejë pashë Perëndinë, Të gjithë brezat dhe rininë –
Ruajani këngës pasurinë, Mos ia prishni bukurinë !

Po u përbejë pashë bukën, kripën –
Këndojeni pastër këngën shqipe !
Përbejnë dete, fusha e male –
Ruajeni këngën tradicionale !

Mos ia humbni këngës shpirtin,
Mos ia humbni koloritin !…
Ruajani ritmin, ambitusin ,
Gjithë thesarin dhe opusin !…

Ruajani tekstet, ruajani fjalët –
Mos ua prishni origjinalet !
Mos ua ndërroni meloditë,
Ritmet, taktet, pasuritë !…

Dikur, ishim analfabet –
S’ kishim shkolla, as fakultet …
N’ okupim t’ okupatorit –
Ia kem ruajt vlerat folklorit !

Sot, kur kem lirinë, shkollimin –
Mos t’ ua humbim këngëve kuptimin !
Mos t’i humbim vlera e thesare –
Begatitë tona kombëtare !…

Kur marrim dru me kuaj –
I përziejmë me “kalamaj “?!
“Vijnë vaporët bregut t’ detit –
Dilni e shihni asqerët e mbretit !”…

Kështu n’ ahengje këndojnë burrat –
Nuk e dinë kah shkojnë “pampurat” ?!
Këndojnë këngëtarët, nxehën koftorët –
Nuk e dinë kah shkojnë vaporët ?!…

Gjilan, më 06.08.2015 . Demir Krasniqi