Po transportonin ilegalisht kafshë, ndalohen nga policia të dyshuarit

Kamenicë – Në fshatin Rogoqicë të Kamenicës është ndaluar i dyshuari mashkull kosovar i cili ishte duke e ngasur një traktor, në të cilin kishte të ngarkuar një kafshë (gjedhe), për të cilin nuk posedonte dokumente të nevojshme për prejardhjen e gjedhes.

Me urdhër të prokurorit rasti procedohet në procedurë të rregullt. Rasti nën hetime.

Po ashtu në fshatin Rogoqicë janë ndaluar dy të dyshuar meshkuj kosovarë të cilët kanë qenë duke qarkulluar me një kombi furgon me targa vendore në të cili kishin të ngarkuar një kafshë (buallë) për të cilin nuk posedonte dokumente të nevojshme për prejardhjen e kafshës.

Me urdhër të prokurorit kafsha është konfiskuar, ndërsa kombi furgon dhe të dyshuarit janë liruar. Rasti nën hetime njoftoi policia e Kosovës./rajonipress/