Po ia ndalët ‘rrugën’ teshtitjes, mund të pësoni sulm në tru

Mënyra e teshtitjes dallon nga ajo në shtëpi, në takimin në punë, përkatësisht mund të jetë e lirë dhe e përmbajtur.

Ndoshta dikujt i duket më e kulturuar që teshtitjen në publik ta ndalojë, por kjo nuk është aspak e shëndetshme. Derisa teshtijmë, ajri përmes zgavrave të hundës kalon me një shpejtësi prej 160 kilometra në orë.

Duke stopuar teshtitjen i gjithë presioni bartet në veshë, ku me këtë rast mund ta pëlcasë timpanin e veshit. Mund të shkaktojë edhe humbjen e dëgjimit dhe marramendje, e cila nuk ndalet shpejt.

Mund të pësojnë edhe enët e gjakut në sy, përkatësisht mund të pëlcasin, e ndodh që të dëmtohet edhe diafragma.

Po e ndaluat teshtitjen, mund të pësojë edhe qafa, si edhe plagët e freskëta tek ata që kanë operuar sinuset, transmeton gazeta “Kosova Sot Online”.

Në rastin më të keq, mund të vijë deri te pëlcitja e enëve në tru, duke shkaktuar sulm në tru, që mund të jetë vdekjeprurës.

Pra, nëse jeni në publik dhe ndjeni se do të keni teshtitje, mos kini turp, në të kundërtën mund ta pësoni keq.