Pnishi, sportisti i vitit në qytetin zviceran

Alban Pnishi ka arritur edhe një sukses tjetër në futbollin zviceran.Djaloshi kosovar është zgjedhur si sportisti më i mirë i vitit në garën për më të mirin në krahinën e Wohlenit ‘Freiamter sportier der jahres’.

Mbrojtësi i Përfaqësueses së Kosovës, ka qenë bindshëm i pari me 22% të votave, duke lënë mbrapa një shigjetar zviceran dhe një hendbollist që vijnë nga e njëjta krahinë në Zvicër.

25-vjeçari ka pasur një vit të shkëlqyeshëm në karrierë, pasi nga Wohlen kaloi te gjiganti zviceran Grasshopper duke u bërë njëri ndër mbrojtësit më të mirë në elitën e futbollit zviceran.

Kujtojmë që Albani është mbrojtësit shqiptar me më së shumti minuta të luajtura, ndërsa debutoi me Kosovën në takim ndaj Shqipërisë.

Ky ishte çmimi i parë për Albanin në qytetin ku ka lindur në Zvicër, Wohlen, ndërsa shpresojmë që nuk do të jetë i fundit por do të vazhdojë të fitojë çmime individuale edhe në të ardhmen. /Telegrafi/