Planifikimi i mirë i dietës jep rezultate më të mira

Të konsumuarit ushqim në mënyrë të rregullt dhe pak jua heq atë dëshirën e urisë së pangopshme

Shpërndaje:
Të organizuarit një plan për dietën tuaj do t’ju ndihmojë shumë që ta realizoni atë me përpikëri. Ja disa hapa: Konsumoni më pak ushqim, përcjell “Zëri.info”.

Në vend që të konsumoni një sasi të madhe ushqimi në një vakt ushqimor, do të ishte më mirë nëse e ndani këtë ushqim dhe e konsumoni përgjatë gjithë ditës.

Të konsumuarit ushqim në mënyrë të rregullt dhe pak ju heq atë dëshirën e urisë së pangopshme.

Mos konsumoni gjë para se të shkoni në shtrat. Konsumoni ushqim të paktën 3 orë para se të shkoni të flini në shtrat, kështu edhe organizmi juaj do të ketë kohën e mjaftueshme për të përpunuar ushqimin.

Lani dhëmbët herët. Besoj se çdokush e ka të vështirë të konsumojë ushqim pasi të ketë larë dhëmbët në darkë.

Eliminoni sheqerin. Mos konsumoni më pije të ëmbla, të cilat ju rrisin ndjesinë e urisë. Më e mira që mund të bëni është t’i zëvendësoni ato me ujë. Konsumojeni ushqimin ngadalë.

Kur ju ushqeheni shpejt nuk mund të kontrolloni sasinë e ushqimit që konsumoni dhe në fund nuk ndiheni të ngopur. Pini më shumë ujë gjatë ditës, sepse është shumë i mirë për organizmin tuaj./ZERI

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).