Plagosen me armë zjarri dy persona në Prishtinë
RajoniPress
23:23, 7 Nëntor, 2015
Rreth orës 20:00 janë dëgjuar të shtëna armësh, mbrapa lokalit “Sekiraqa”, ku për pasojë kanë mbetur të plagosur dy persona, njofton Klan Kosova.
Bëhet fjalë për dy meshkuj, njëri me vit të lindjes 1981 kurse tjetri 1989.
Këtë rast e ka konfirmuar për Klan Kosovën, zëdhënësi i Policisë së Kosovës, Daut Hoxha.
“Rreth orës 20:02 mbrapa lokalit Sekiraqa është raportuar për një gjuajtje me armë ku të lënduar janë dy persona meshkuj të vitit të lindjes 1981 dhe tjetri 1989”.
“Sipas informative tona dy personat janë jashtë rrezikut për jetë”.
Hoxha ka treguar se policia është duke mbledhur informatat për shkakun e kësaj ngjarje.
“Policia është në proces të mbledhjes së informacioneve relevante për të sqaruar shkaqet e incidetit dhe ndërmarrjen e veprimeve tjera hetimore”, u shpreh Hoxha.
