Plaçkiten dhe lihen në mes të rrugës dy refugjatë kosovarë

Më parë ata i kishte sjellë ilegalisht një person tjetër duke i transportuar përmes Hungarisë në Austri me një kombi (furgon).

Dy të rinj, refugjatë të ardhur ilegalisht nga Kosova nën kërcënimin me revole janë plaçkitur dhe nxjerrë nga makina nga një person i panjohur. Kjo ka ndodhur sipas tyre paraditen e të martës në një pompe benzine në Nickelsdorf (Austri). Më parë ata i kishte sjellë ilegalisht një person tjetër duke i transportuar përmes Hungarisë në Austri me një kombi (furgon) nëpër autostradën A4.

Në pompën e përmendur të benzinës ata ishin udhëzuar të kalonin në një veturë tjetër. Ngasësi i veturës pak pas nisjes ndalon makinën dhe ua drejton revolen duke i kërcënuar që të dorëzojnë paratë që i kishin, shkruan regionews.at.

Ai ua ka grabitur kështu1450 euro dhe dy telefona mobil. Pastaj ai i detyron që të dalin nga makina. Policia dhe inspeksioni policor janë duke i zhvilluar hetimet lidhur me rastin.

albinfo.ch