Pjeshka, frut me shumë vlera

Pjeshka është një frut i ëmbël dhe freskues, poashtu dhe shumë i shëndetshëm.Ai është i përbërë nga 90% ujë dhe minerale të ndryshme ndër të cilat më i bollshmi është kaliumi dhe më pas natriumi, hekuri, kalciumi dhe fosfori.

Të hash një pjeshkë në ditë, nënkupton furnizimin e trupit me rreth 15% të kërkesave të përditshme të vitaminës C, e rëndësishme për mbrojtjen nga infeksionet e ndryshme, thelbësore për forcimin e eshtrave dhe absorbimin e hekurit në gjak.

Jo rastësisht pjeshka përdoret gjerësisht në prodhimin e kremrave kozmetike dhe maskave të fytyrës, ngase ajo është favorite për lëkurën që të qendrojë elastike dhe e re.

Ndër të tjera, pjeshka pasuron organizmin me minerale, stimulon lëngjet e stomakut dhe rregullon tensionin e gjakut për shkak të përmbajtjes së kaliumit dhe manganit.