Pizzeria&Fast Food “Naimi” çdo ditë dhuron bukë falas

Gjilan – Kriza ekonomike dhe papunësia e madhe që ka kapluar vendin tonë çdo ditë e më tepër, po ju vështirëson jetën qytetarëve të Kosovës.

Vendi ynë e posaçërisht Gjilani, gjithmonë ka pasur njerëz humanitar për t’ju dal në ndihmë qytetarëve të cilët kanë nevojë në mënyra të ndryshme.

Tani e një vit, Pizzeria-Fast Food “Naimi”, për çdo ditë dhuron falas nga 200 bukë falas për të gjithë qytetarët e Gjilanit të cilët kanë nevojë.

Pronari i kësaj veprimtarie, Naim Shaqiri, duke e parë nevojën e shumë qytetarëve që nuk munden të sigurojnë as kafshatën e bukës, para lokalit të tij ka vendosur një komod me plot bukë me mbishkrimin “Merr Falas”.

Naim Shaqiri nuk pranoi të flas për këtë vepër humanitare, por me gjithë insistimin tonë ai në fund pranoi të flas për këtë vepër humanitare të tij.
“Unë nuk e bëj këtë për emër, unë e kam parë të nevojshme për qytetarët e mi që sa do pak t’ju dal në ndihmë dhe për këtë jam shumë i lumtur, në qoftëse kam arritur sado pak t’ju lehtësoj problemin e bukës se më e shejt se buka nuk ka”, ka theksuar pronari Naim Shaqiri.

Shaqiri ka bërë të ditur se të gjithë të interesuarit munden të marrin bukë për nevojat e veta gjatë tërë ditës.
“Që nga orët e hershme të mëngjesit çdo qytetar mundet të shërbehet falas për aq sa ka nevojë në familjen e tij dhe në qoftëse sado pak e zbus kërkesën e qytetarëve të mijë jam njeriu më i lumtur në botë”, shprehet Naim Shaqiri./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).