Pishtarët e parë të shkollave shqipe në komunën e Kamenicës

Nga Demir Krasniqi

Më ndihmo , moj çifteli –
Ta këndoj një rapsodi !
Do t’ këndoj për do pishtarë –
Yje drita – mësues të parë ,
Që ia hapen shkollat shqipes
Në komunë të Kamenicës !

Në vitin Dyzet e Një ,
Erdh n’ Hogosht një djalë i ri ,
Hapi shkollë e solli shkronja –
Ishte mësuesi Fadil Hoxha !

Në vitin Dyzet e Dy,
Rreze drite solli për sy ,
Vigjilent , syrin si pisha –
Mësues i parë , Ferid Berisha !

N’ Koretin , shkollën fillore ,
Ku s’ kish libra , as fletore !…
I pa epur , s’ kishte shoq –
Hapi shkollën në Strezoc !

Në vitin Dyzet e Pesë ,
N’ Rogoçicë , një djalë me besë ,
Hapi shkollë , solli ideja –
T[ shkollohen t’ rinj e t’ reja !
Të lulëzojë dituria –
Mësues i parë , Xhevat Alia !

Shumë armiqve , zemra iu kupi –
Kur erdh mësuesi Tefik Jakupi !
N’ Desivojcë, n’ atë grykë malore –
Hapi shkollë të parë fillore !

Ndue Zef Marka , pishtar me sedër –
Mësues i parë n’ Karaçevë t’ Epër !
N’ dyzet e Pestën , n’ atë kohë mizore –
Ai e hapi shkollën fillore !

Mësues i dashur , Babush Tali –
Diturisë – rininë ia fali !
N’ Hodonoc – mësues i parë ,
Solli dritë për fëmijët shqiptarë !

Ishte viti Dyzet e Gjashtë –
Topanica – shkollë kanë dashtë !
Këtë ide shumë e përkrahu –
Mësuesi Shaib Avdullahu !
Hapi shkollë të parë fillore ,
Libra, lapsa e fletore !…

Në vitin Dyzet e Shtatë –
U hap shkolla n’ Busavatë !
U gëzua nëna , u gëzua baba –
Mësues i parë, Tefik Kallaba !

N’ Kopërnicë , nën ato kodra –
Mësues i parë, qe Murat Shkodra !
Ishte viti Dyzet e Shtatë –
Shkolla shqipe , lëshoi shtat !…

Dyzet e Shtatëshi – vit i lulëzimit ,
Për shumë çerdhe të arsimit !
U hap shkolla n’ Kranidell –
Fazli Mavriqi , mësues me themel !

Po atë vit , si në shumë treva –
Me shkollë shqipe , u bë Krileva !
Ëndrrën – zhgjëndërr , kush e bani –
Mësues i parë, Rrahman Sinani !

Ngjitej maleve përmes një përroskës ,
Në luginën e Lisockës ,
Fehmi Jakupi , ai pishtarë –
N’ shkollë t’ Lisockës – mësues i parë !

N’ Muçivërc , Shaban Zylfiu –
Shkollës shqipe, i pari i priu !
Në Poliçkë , Bejtullah Muja –
Nuk e thyente stuhia , as rrëmuja !…

N’ shkollën shqipe , në Sedllarë –
Bajram Spahiu, mësues i parë !
Shkolla e parë, n’ Shpashnicë t’ Epër –
Metush Krasniqi , mësues me vepër !

Po në vitin Dyzet e Shtatë –
Shkollat shqipe shpat me shpat ,
Shkrepnin dritë e lëshonin shtat ,
Sillnin dije , sillnin fat !…
N’ atë Malësi të Kamenicës –
Erdhi mësuesi prej Drenicës !
Në Tugjec, për shumë shkollarë –
Ukë Plakiqi , mësues i parë !

Shkolla e parë, n’ Karaçevë t’ Ulët –
Para sfidave , nuk përulet !
U hap n’ vitin Dyzet e Tetë –
Ahmet Kqiku , mësues i vërtetë !

Mehmet Masurica , me gjithë urtinë –
Mësues i parë , shkon në Meshinë !
N’ shkollë të Gëmicës , n’ atë faqe mali –
Mësues i parë – Hazir Kastrati !

N’ Velegllavë , fëmijët kush i kënaqi –
Mësuesi i parë, Ai Rexhep Thaçi !
Shkollës s’ Sfircës, kush i priu –
Mësuesi i parë – Ismail Musliu !

N’ Gjyrishec , n’ atë djep kreshniku –
Mësues i parë – Hajdin Sadiku !
Në vitin Dyzet e Nëntë –
Varfëri , gjendje e rëndë !…

Në Dazhnicë , dije kush shfaqi –
Mësuesi i parë – Muharrem Thaçi !
Në vitin Pesëdhjetë e Një –
Vazhdon lufta për dituri !…

Në Zajçec, n’ atë maje shpati –
Mësues i parë – Rexhep Kastrati !
Ishte viti Pesëdhjetë e Katër –
Me vullnet e me shumë hatër ,
Ahmet Kqiku – në shkollë t’ Laçiqit ,
N’ Kremantë – Musli Maliqi !…

Në vitin Pesëdhjetë e Pesë –
U hap shkolla me plot shpresë !
Në Dajkoc, dituri shkriu –
Mësuesi i parë – Musa Spahiu !

Gjashtëdhjetë e Njëshi , kur ia mbërriu –
Shkolla shqipe – krahët i shtriu !
N’ Gragjenik , n’ ato bokërrina –
Mësues i parë – Remzi Morina !
Në vitin Gjashtëdhjetë e Tre –
N’ Kamenicë – një frymë e re !…
U hap shkolla për shqiptarë –
Muharrem Kallaba – mësues i parë !

Por, kur erdhi Gjashtëdhjetë e Teta –
Ndodhën ngjarje të vërteta !…
N’ shkollë t’ Tërrstenës , n’ ato kodra –
Mësues i parë qe Halil Shkodra !

Në Petrit erdh dije miri –
Mësues i parë – Vehbi Demiri !
Në vitin Gjashtëdhjetë e Nëntë –
Hapen shkolla në çdo anë !

N’ Feriçevë , shkollës i priu –
Mësuesi Bajram Kyreziu !
Kur erdh viti Shtatëdhjetë e Nëntë –
Shkolla kishte në çdo vend !

Mësues i parë , n’ Shipashnicë t’ Ulët –
Nuhi Leka , kurrë s’ përulet !

Gjilan, më 06.05.2009.

Demir Krasniqi

Bazuar nga të dhënat e Xhavit Kryeziut