Pirja e lëngut të panxharit për mëngjes mund të mbrojë nga tensioni i lartë i gjakut

Presioni i lartë i gjakut është një gjendje e zakonshme që prek më shumë se një të katërtën e të gjithë të rriturve.

Presioni i lartë i gjakut – i cili njihet edhe si hipertension – vendos stres shtesë në enët e gjakut dhe organet vitale.

Gjendja mund të çojë në disa ndërlikime vdekjeprurëse, duke përfshirë goditje në tru dhe sulme në zemër. Mund të shkaktohet duke ngrënë ushqime jo të shëndetshme, ose duke mos bërë ushtrime të mjaftueshme.

Një nga mënyrat më të lehta për tu mbrojtur nga hipertensioni është pirja e lëngut të panxharit.

Pirja e rregullt e lëngut të panxharit mund të ndihmojë për të ulur presionin e gjakut, nëse tashmë keni hipertension, sipas nutricionistit të Natures Aid, Jenny Logan.

Panxhari është i pasur me nitrate, të cilat shndërrohen në oksid nitrik në trup. Oksid nitrik ndihmon enët e gjakut të relaksohen, dhe mbron nga shtrëngimi i panevojshëm.

Enët e ngushta të gjakut vazhdimisht ngrenë presionin tuaj të gjakut, i cili më pas mund të çojë në hipertension. “Studimet kanë treguar se lëngu i panxharit mund të jetë i dobishëm në mbështetjen e presionit të shëndetshëm të gjakut”, shkruan Express.co.uk.

“Studiuesit në vitin 2014 u dhanë vullnetarëve 250 millitra lëng panxhari në ditë dhe vunë në dukje se ai dukej se përmirësonte tension e tyre të gjakut.

Besohet se kjo është për shkak të nitrateve që gjenden natyrshëm në panxhar, të cilat trupi i shndërron në oksid nitrik. Efekti i oksidit të azotit është të relaksojë enët e gjakut, të cilat nga ana tjetër mund të ndihmojnë për të mbështetur presionin e shëndetshëm të gjakut. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).