Pija që e largon erën e keqe nga goja

Krahas pastrimit të rregullt të dhëmbëve, kujdes duhet kushtuar edhe pastrimit të gjuhës dhe zgavrës së gojës.

Duhet t’i evitoni ujërat, apo preparatet e ndryshme agresive për shpëlarjen e gojës, meqë ato mund të shkaktojnë edhe dëme. Gjethet e gjelbra të majdanozit kanë aromë të fortë dhe të freskët, e ngjyra e tyre intensive, e gjelbër, e cila tregon për praninë e sasive të mëdha të klorofilit, është luftëtari më i mirë natyror kundër erës së keqe të gojës, meqë ka veti antibakteriale, transmeton gazeta Kosova Sot Online.

Edhe pse përtypja e gjetheve të majdanozit preferohet menjëherë pas buke, nëse gjësendet ushqimore kanë përbërës me erë të rëndë, çaji i majdanozit është një metodë më praktike dhe më efikase për largimin e këtyre problemeve, respektivisht për largimin e baktereve nga zgavra e gojës.

Në një enë qitni gjysmë litri ujë dhe shtojeni majdanozin e grirë, e më pas lëreni që të zihet për 5 minuta. Më pas duhet kulluar kjo pije, të lihet të ftohet, e më pas të konsumohet pas çdo vakti (shujte).

(Kosova Sot)