Pezullohet gjyqtari: Ka refuzuar pa të drejtë ankesën e azilkërkuesit kosovar

Ai e kishte vlerësuar si “të pagjasa” ankesën e një kosovari të ri dhe kishte kërkuar paradhënie për të vazhduar procedurën. Ndërsa avokati i të riut e kishte akuzuar pastaj gjyqtarin se atij “i mungonte distanca dhe neutraliteti i nevojshëm.

Vendimet në rastet e ankesave për çështje të azilit në Zvicër i marrin 28 gjyqtarë. Ata, sipas rregullit, duhet të jenë të paanshëm dhe të mundësojnë gjykim korrekt. Por gjyqtarët në Zvicër janë të rekrutuar nga partitë dhe, siç tregon një hulumtim i gazetës Tages Anzeiger, një numër i tyre e zbaton politikën e partisë që i takon, edhe në punën profesionale të gjyqtarit.

Ilustrimi më i mirë lidhur me këtë dukuri është gjyqtari Fulvio Haefeli, (që vjen nga SVP) rasti i të cilit me një azilkërkues kosovar merret si më eklatanti, transmeton albinfo.ch. Qasja ndaj ankesës së kosovarit ka bërë që Haefeli të pezullohet, gjegjësisht t`i merret rasti. Ai e kishte vlerësuar si “të pagjasa” ankesën e një kosovari të ri dhe kishte kërkuar paradhënie për të vazhduar procedurën. Ndërsa avokati i të riut e kishte akuzuar pastaj gjyqtarin se atij “i mungonte distanca dhe neutraliteti i nevojshëm. Ai i kishte degraduar azilkërkuesit në objekte pa emra dhe pa fytyra, mendimet dhe interesat e të cilëve janë pa rëndësi”. Nisur nga kjo, edhe kolegët e gjyqtarit Haefeli reaguan dhe e suspenduan gjyqtarin e SVP-së nga ky rast gjykimi.

Peter Niederöst, avokat i kosovarit thotë se Haefeli është i njohur si gjyqtar që ia kanë frikën të gjithë. Ai e sheh veten si maja e shtizës së partisë së tij, i cili synon të refuzojë sa më shumë raste që të jetë e mundur. Ai vepron sipas kritereve politike dhe jo sipas atyre juridike, përcjell albinfo.ch. Prandaj ai nuk duhet të jetë në pozitën ku është”.

Sipas gazetës, dallimi në rezultatet e gjykimeve në mes të gjyqtarëve që vijnë nga parti të ndryshme është enorm. Kështu, përderisa Haefeli i SVP-së shqipton rreth 10 për qind vendime pozitive, kolegia e tij nga Partia e Gjelbër, Contessina Theis merr vendime pozitive në 37 për qind të rasteve.

Sipas partive, gjyqtarët më të ashpër dalin ata të BDP, me 11% vendime pozitive, të SVP-së me 13.1% dhe të FDP-së 15.4%

http://www.albinfo.ch/pezullohet-gjyqtari-ka-refuzuar-pa-te-drejte-ankesen-e-azilkerkuesit-kosovar/