Peterle: Zgjedhjet ishin në përgjithësi të mira

Shefi i Misionit të Vëzhgimit të Zgjedhjeve të Bashkimit Evropian, Alojz Peterle tha se zgjedhjet ishin me një konkurrence të fortë, përderisa shumica e komunave më të mëdha votuan në raundin e dytë. Këto komente ai i bëri gjatë një konference shtypi ky bëri publike gjetjet paraprake të Misionit për zgjedhjet e balotazhit.

Sipas Peterle fushata gjatë raundit të dytë ishte e qetë dhe pa gjuhë nxitëse.

“Aktivitetet e fushatës në një atmosferë të qetë edhe në përgjithësi u përmbajtën gjuhës nxitëse. Atmosfera në pjesën me serbë u vërejtën disa shkelje të vogla”, tha Peterle.

Ai gjithashtu tha se mediat ofruan mbulueshmëri të madhe, dhe organizuan debate të mira.

Ndërsa ditën e zgjedhjeve, Peterle e vlerësoi si të qetë.

Ai tha se hapja e qendrave si dhe numërimi ndodhen në mënyrë transparente dhe efikase mirëpo pavarësisht kësaj, sipas tij disa gjëra duhet të përmirësohen.

“Casja në objekte të vendvotimit për persona me aftësi të kufizuar ishte problematike, si psh kishte ashensor që nuk funksionon”, u shpreh Peterle.

Sipas Shefit të këtij misioni, Alojz Peterle, procesi i numërimit në QNR u vëzhgua nga vëzhgues së subjekteve politike dhe në përgjithësi sipas tij kjo qendër ofron një verifikim shumë të mirë.

Ai kishte ankesa në lidhje ne fletëvotimet e pavlefshme të cilat sipas tij ishin në një numër jashtëzakonisht të lartë dhe mbetet e lartë.

Ai bëri të ditur që misioni që ai udhëheq do të qëndroj në Kosovë deri më 7 dhjetor të këtij viti, pra deri sa të shpallen rezultatet përfundimtare./ZERI