Pesëdhjetëvjeçarja shpallet femra më e dëshiruar
Faqja e internetit, e cila lidh femrat e moshuara me burra shumë më të rinj, “CougarLife”, e ka shpallur 50-vjeçaren Demi Moore si femrën më të dëshirueshme.
Në adresën e shtëpisë së aktores ia kanë dërguar madje një dhuratë për ditëlindje – take të larta të Christian Louboutin me model leopardi.
Pronarja e faqes tha se Demi është promovuesja më e mirë e mënyrës së tillë të jetesës, sepse ajo ka jetuar me Ashton Kutcherin, i cili është 16 vjet më i ri.
“Demi Moore ka bërë më shumë se kushdo tjetër për këtë kategori të komunitetit, por edhe vendosi hapat e para, që ky lloj i jetesës të bëhet pjesë e kulturës sonë”, tha Claudia Opdenkelder për “RadarOnline”.
Kujtojmë se çifti Moore-Kutcher pikërisht para një viti i dha fund marrëdhënies së tyre gjashtëvjeçare.
Edhe pse ende nuk është shkurorëzuar zyrtarisht, Ashton tashmë disa muaj është në lidhje me aktoren Mila Kunis ndërsa Demi është duke u përpjekur që të gjejë një tjetër të dashur.