Pesë muaj pas mega-hitit “Zemër”, Dhurata Dora paralajmëron këngën e re

“Zemër” nga këngëtarja shqiptare, Dhurata Dora dhe artisti francez, Soolking, e lansuar në prill të këtij viti padyshim se ishte hiti i kësaj vere, i cili tejkaloi krejt pritshmëritë.

Kjo këngë tashmë është shndërruar në hit ndërkombëtar dhe si e tillë në kanalin zyrtar, YouTube, ka kaluar shifrën e 300 milionë klikimeve.

E lumtur për këtë sukses, zeshkania e ka ndarë lajmin e mrekullueshëm me fansat e saj në llogarinë personale, Instagram.

“Pas pesë muajve, 300 milionë klikime, koha për një këngë të re”, ka shkruar Dhurata krahas këtij postimi, e cila duket se do fillojë punën për një projekt tjetër.

Projekti u punua nga producenti Big Bang në shtëpinë e hiteve RedBox, kurse videoklipi u realizua nga MAX Production.

Ndërkohë, ky cilësohet të jetë një nga sukseset më të mëdha të artistes Dora në karrierën e saj, gjë që bën të njihet edhe në arenën ndërkombëtare.

Në vazhdim presim të shohim se çfarë do na sjellë Dhurata për të gjithë fansat e saj, të cilët e përcjellin kudo dhe tashmë është emër shumë i pëlqyer gjithandej. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).