Pesë luftuesit natyralë kundër sëmundjeve të dhëmbëve

Në hapësirën brenda gojës gjenden një numër shumë i madh i baktereve, që mund të shkaktojnë sëmundje të ndryshme si pasojë e pranisë së tyre. Bëhet fjalë për infeksionet kronike të mishit të dhëmbit, gjë që sjell rënien e tyre. Në vijim ju sjellim pesë luftues natyralë kundër simptomave aspak të këndshëm të paradentozës dhe gjingjivitit.

Hudhra

Hudhra është e pasur me përbërës që kanë efekt të fortë kundër inflamacionit, që ndihmojnë te mishi i ënjtur, i skuqur dhe me inflamacione. Përtypni, dhe më pas përpini një thelb të hudhrës, mund ta pështyni pastaj, por edhe nëse e përtypni, ka efekte të dobishme, transmeton gazeta Kosova Sot Online.

Xheli nga aloe vera

Kjo bimë shëruese ia del të qetësojë dhe të ftohë mishin e sëmurë të dhëmbëve. Ndihmon edhe te ënjtja e dhëmbëve. Në gishtin e vogël të dorës vendosni pak xhel dhe me këtë mund ta lani mishin e dhëmbit.

Soda e bikarbonatit

Soda e bikarbonat ndikon kundër kërpudhave, të cilat shfaqen shpesh te gjingjiviti dhe paradentoza. Një lugë me sodë bikarboni e vendosni në ujë të vakët dhe me të shpëlani gojën dhe më pas e pështyni.

Çaji nga trumza

Çaji nga trumza është një nga recetat më të vjetra dhe më të njohura që ndikon kundër inflamacioneve. Përgatiteni çajin nga kjo bimë shëruese, e shpëlani mirë brendinë e gojës dhe më pas e pështyni.

Vitamina C

Me vitaminën C do të shëroni inflamacionet në gojë, duke mbrojtur mishin e dhëmbit dhe vetë dhëmbin. E merrni përmes pemëve (agrume, kivi, fruta mali…) dhe perimeve (specave, domateve dhe spinaqit).

(Kosova Sot)