Gjilan – Prokuroria Themelore në Gjilan, ka ndaluar 1 (një) person, në kohëzgjatje prej 48 orëve, ka paraqitur 1 (një) kërkesë për caktimin e masës së paraburgimit, me propozim që kjo masë të mbahet në institucionin e kujdesit shëndetësor, ndaj 1 (një) personi, dhe ka ngritur 5 (pesë) aktakuza, kundër 5 (pesë) personave për vepra të ndryshme penale.
Ndalimet e personave me urdhër të prokurorit:
Departamenti Përgjithshëm – ka ndaluar 1 (një) person, për 48 orë, për shkak të dyshimit
të veprave penale ‘’Vjedhje e rëndë’’ dhe ‘’Vjedhje’’.
Kërkesat për caktimin e paraburgimit (apo masa tjera):
Departamenti Përgjithshëm – ka paraqitur 1 (një) kërkesë për caktimin e paraburgimit,
me propozim që kjo masë të mbahet në institucionin e kujdesit shëndetësor, ndaj 1 (një)
personi, pasi dyshohet të ketë kryer veprën penale ‘’Asgjësim apo dëmtim i pasurisë’’, në
objektin e komunës së Gjilanit.
Aktakuzat:
Departamenti Përgjithshëm i Prokurorisë Themelore të Gjilanit, ka ngritur pesë (5) aktakuza, kundër 5 (pesë) personave, për këto vepra penale “Uzurpim i paligjshëm i pronës së paluajtshme”, “Asgjësim apo dëmtim i pasurisë” dhe “Vjedhje e shërbimeve” thuhet njoftimin e prokurorisë së Gjilanit./rajonipress/
