Përzgjedhësi Ramiz Krasniqi tubon Dardanët U19

Kombëtarja e Kosovës U19, është grumbulluar në kuadër të përgatitjeve për kualifikimet për Kampionatin Evropian 2023, që do të mbahet në Suedi nga 17 Nëntori.

Në kuadër të këtij kampi disa ditorë, Përzgjedhësi Ramiz Krasniqi , do ti zhvillon dy ndeshje miqësore me Drenasin e 2 Korrikun, për të parë nga afër formën e futbollistëve.

Ky grumbullim i futbollistëve është në datat e lira UEFA e FIFA. Përzgjedhësi i Dardanëve U19, Ramiz Krasniqi, ka theksuar se ky grumbullim është jashtëzakonisht domethënës sidomos për futbollistët nga diaspora, për t`i parë nga afër cilësitë e tyre. “Jam i kënaqur pasiqë kam mundësi të punoj me skuadër të kompletuar. Ekziston një motiv i madh tek futbollistët për ta përfaqësuar shtetin e Kosovës në këto gara. Ky grup është më kompakt se i vitit të kaluar, të shohim së bashku, shpresoj se do të bëjmë rezultate të mira në kualifikime”.

Kombëtarja e Kosovës bën pjesë në Grupin 3-të, së bashku me Suedinë, Qipron e Ukrainën.