Përshpejtohet kalimi i Xhemailit te Milan

Eliminimi i Napolit nga Liga e Kampionëve mund të përshpejtojë kompletimin e transferimit të futbollistit shqiptar, Blerim Xhemaili, te skuadra e Milanit.

Sipas informacioneve që përcjelljen nga gazetari Paul Bargiggia për ‘Sport Mediaset’, kompletimi i kalimit të mesfushorit shqiptar në ‘San Siro’ mund të bëhet qysh në fundjavë.

E Napoli i Xhemailit u përshëndet nga gara prestigjioze e Ligës së Kampionëve, pas disfatës nga spanjollët e Athletic Bilbaos me rezultat të përgjithsëm, 4:2, nga të dy ndeshjet.