Përshëndetje nga Kërçova

Mora një letër dhe një pendë – T`shkruaj këngë për një legjendë, Djepi Gollakut që e përkundi – I dha popullit, atë që mundi!…

Për Demir Krasniqin këngëtar –
Këngë t`mira plot një thesarë!
Që e dëgjoi krejt bota shqiptare –
Për të cilën s`kursehej fare!…

Demir Krasniqin që mirë këndoi,
Nga zemra populli e falënderoi!
Këtë këngëtarë të pa lodhshëm –
Si qytetar i devotshëm!

Për Demirin si krijues,
Populli është falënderues!
Të gjitha librat që i botoi –
Popullit vet falë, ia dhuroi!…

Edhe nxënësit që i ka mësuar –
T`gjithë nga zemra e kanë uruar!
Shumë të mira i dëshirojnë –
Kurrë për jetë nuk e harrojnë!

Nuk e harrojnë trevat shqiptare,
As shqipja jonë mërgimtare!
Për kombin tonë, jetën e shkriu –
Porosi e kish nga babë Shefkiu!…

Përshtypje t mirë, la në çdo anë –
Si n`çdo trevë, edhe n`Uskanë!
Sjelljes tij, i kishte hije –
Kështu e mësoi nëna Hysnije!

Për Kërçovën, shumë këndoi –
Këngë të bukura i kushtoi!
N`dasma ftohej për çdo vjet –
E donë Kërçova si djalin e vet!

N`Shitovë, martohej një djalë i ri,
Familja e tij, jetonte n`varfëri!
Këtë Demiri, kur e kuptoi –
Falë në dasëm i këndoi!

Kudo mik, që shkonte Demiri –
Gëzohej shtëpia e çdo nikoqiri!
Pas darke vinin krejt kojshija –
Jehonte kënga, tingëllonte çiftelija!…

Përshëndetje nga Kërçova –
Për t`birin e saj nga Kosova,
Që i thotë – vendlindja e dytë,
Kur ia përmend, i lotojnë sytë!…

Demir Krasniqi, o i madhi doajen –
Pytë Kërçova – kur po vjen?
Gjithmonë je i mirëseardhur –
T`pret Uskana me dyer hapur!

Dasmat kërçovare të kërkojnë –
Shokët kurrë nuk të harrojnë!
Të pret Kalaja, ku ke pushuar –
Me ujë t`ftohtë, ku je freskuar!…

Demir Krasniqi, sot veteran –
Me familje jeton n`Gjilan!
Si harron vëllezërit nga Uskana,
Shkupi, Presheva, Ulqini e Tirana!…

– Vërtetë dasmat i kam lënë,
Por, mua Kërçova buk m`ka dhënë!
Që kurrë për jetë s`do ta harroj –
Ua jap besën, se do t`ju vizitoj!…

Për veprën e tij artistike –
Janë shkrua shumë vargje poetike!
Kjo poemë që kam shkruar unë –
Si një gotë ujë, të derdhim n`lum!

Vait Nasufi

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).