Përse të studiosh Farmacinë në UBT?

Programi Master Shkencor në Farmaci mundëson një përgatitje shkencore të avancuar në fushën mjekësore, që ka për qëllim të formojë një figurë profesionale të ekspertit të barnave.

I diplomuari, pas marrjes së licencës profesionale mund të kryejë profesionin e farmacistit dhe të veprojë si ekspert i barnave në fushën e produkteve për shëndetin.

Fakulteti i Farmacisë në UBT, në partneritet me Universitetin e Debrecenit, të Hungarisë, respektivisht me Fakultetin e Shkencave Mjekësore, ofron një tërësi njohurish teorike dhe praktike, që i mundësojnë të diplomuarve të përballojnë procesin multidisiplinor me ç’rast nga projektimi strukturor, studentët profesionalizohen në prodhimin, tregtimin dhe përdorimin e barnave, sipas ligjeve të përcaktuara.

Të diplomuarit në Farmaci fitojnë njohuri shkencore dhe përgatitje teorike-praktike të nevojshme për ushtrimin e profesionit të farmacistit dhe të ekspertit të produkteve shëndetësore (produkte mjekësore- kirurgjikale, kozmetike, dietetike, integratorë ushqimorë, produkte herboristerie).

Në bazë të marrëveshjeve të nënshkruara me Universitetin e Debrecenit, të diplomuarit në Farmaci marrin diplomë të përbashkët, titull ky që njihet në Bashkimin Evropian, ku dhe mund të kryejnë profesionin e farmacistit.
Zgjedh më të mirin, që të bëhesh më i miri!/rajonipress/