Përse duhet konsumuar kivi?

Kivi është pemë kombëtare kineze. Atje e quajnë “Yang Tao”, prej ku misionarët në fillim të shekullit të njëzetë e kanë bartur në Zelandë të Re, e më pas është përhapur në mbarë botën.

Kivin e quajnë edhe si bimë të përtëritjes së përhershme dhe të shëndetit, sepse përmban shumë vitamina, minerale dhe substanca të tjera që ndikojnë pozitivisht në organizmin njeriut. Kështu, në 100 gr kivi ka edhe deri 300 miligramë me vitamina C, 174 miligramë me vitamina A, e përmban edhe sasi të konsiderueshme të vitaminave B. Pastaj, përmban edhe shumë kalcium, hekur, fosfor, magnez dhe minerale të tjera. Disa nutricistë kivin e konsiderojnë si superpemë, sepse bën ekuilibrin midis numrit minimal të kalorive dhe efektit maksimal shërues në organizmin e njeriut.

Falë përbërësve me vlera të larta, është efikas edhe në luftën kundër inflamacioneve respiratore, e pos kësaj e forcon edhe sistemin imun, mbron nga ftohjet, rregullon shtypjen e gjakut, sulmit në tru, tumoret e ndihmon edhe te dhimbjet e kokës dhe stresi. Po ashtu, kivi e ul kolesterolin, neutralizon radikalet e lira dhe heq helmet nga organizmi. Sugjerohet në ushqimin e përditshëm, por jo më shumë se dy për në ditë, sepse mund të shkaktojë alergjinë.

(Kosova Sot)