Përplasje për 100-ditëshin e Mustafës

100-ditëshi i parë i Qeverisë së kryeministrit Isa Mustafa pritet t’i përplasë fort në Kuvendin e Kosovës partnerët e koalicionit me opozitën. Kjo pasi tri partitë opozitare vazhdojnë ta kenë në thumb të kritikave qeverisjen e Mustafës duke e vlerësuar si të dështuar punën 100 ditore të tij.

Megjithatë, Kryesia e Kuvendit ka vendosur që këtë të enjte, të zhvillohet debat parlamentar lidhur me punën 100-ditëshe të Qeverisë së Isa Mustafës dhe programin qeverisës, pavarësisht se opozita konsideron se kreu i ekzekutivit ka dështuar edhe në menaxhimin e situatave.

Ish-kryetari i Kuvendit, Jakup Krasniqi, në një deklarim për gazetën “Zëri” ka thënë se tre muajt e kësaj Qeverie s’janë gjë tjetër veçse vazhdim i zbehtë i asaj të më mëparshmes./zeri/