Përpjekja franko-gjermane për ta rinisur dialogun

Presidenti i Kosovës Hashim Thaçi dhe kryeministri Ramush Haradinaj më 29 prill 2019 pritet të marrin pjesë në Samitin e Liderëve të Ballkanit Perëndimor, i cili do të mbahet në Berlin të Gjermanisë, shkruan sot Gazeta “Zëri”.

Ndonëse asnjëri prej dy krerëve institucionalë deri më tash nuk ka bërë të ditur se për çka saktësisht do të diskutohet në takimet e Berlinit, njohësit e çështjeve politike konsiderojnë se procesi i dialogut do të jetë temë e pashmangshme e takimeve të fundprillit në kryeqendrën gjermane.

Sipas tyre, shtetet e BE-së do të bëjnë sërish edhe një përpjekje për ta rinisur procesin e negociatave Kosovë – Serbi, shkruan më tutje Gazeta “Zëri”.

Gjithashtu ata vlerësojnë se Gjermania, e cila bashkë me Francën janë organizatore të Samitit, do t’ia bëjë të qartë presidentit Hashim Thaçi se ideja për korrigjim të kufijve nuk mund të jetësohet.