Përparon qeverisja elektronike në Kamenicë

Gjilan – Drejtori i drejtorisë së Administratës Lokale Enver Ajvazi ka thënë se tash e tutje në Qendrën e Shërbimeve për Qytetarë, kemi bërë një përparim në funksionimin më të mirë të E- qeverisjes apo qeverisjes elektronike.

Ajvazi tha se tani e tutje qytetarët, shërbyesit civilë apo palët që kërkojnë shërbime nga administrata komunale përmes Qendrës së Shërbimeve për Qytetarë, ( QSHQ), do kenë rastin të informohen përmes ËEB SMS.

“ Qytetarët më nuk do të kenë nevojë të presin para sportelit apo me orë për një informatë nga QSHQ-ja, por do të informohen përmes telefonit celular me një sms lidhur me kërkesën apo shërbimin që kërkon nga kjo qendër. Kjo është arritur në saje të bashkëpunimit me USAID-in dhe PTK-ën” ka thënë Ajvazi ./rajonipress/