Përparim në arsim i fëmijëve me prejardhje të huaj

Megjithatë, niveli arsimor i fëmijëve me prejardhje të huaj është më i ulët se ai i moshatarëve të tyre zviceranë me prindër po ashtu zviceranë.

Sistemi arsimor i Zvicrës u ofron shumë përparësi fëmijëve të migrantëve. Këtë përfundim e ka nxjerrë një studim i realizuar nga Organizata Evropiane për Bashkëpunim Ekonomik dhe Zhvillim (OECD.

Sipas këtij studimi, nuk ekziston pothuajse asnjë dallim në mes të nxënësve me prejardhje të huaj që shkollohen në Zvicër nga fillimi dhe atyre që shkollimin këtu e fillojnë në moshën 11 vjeçare.

Por, niveli arsimor i fëmijëve me prejardhje të huaj megjithatë është më i ulët se ai i moshatarëve të tyre zviceranë me prindër po ashtu zviceranë. Rrjedhimisht, fëmijët me prejardhje të huaj vazhdojnë të jenë të hendikepuar kur bëhet fjalë për gjetjen e një vendi për zanat ose vendi pune.

31 për qind e fëmijëve me prejardhje të huaj përfundojnë një shkollim të lartë në Zvicër, që është për 9 për qind më pak se fëmijët e lindur në Zvicër.(albinfo)

Shpërndaje.
© RAJONIPRESS