Përparim Hetemaj e mbyll karrierën në mënyrën më të mirë, shënon në ndeshjen e fundit në Evropë
RajoniPress
22:53, 14 Dhjetor, 2023
Përparim Hetemaj ka shënuar gol në ndeshjen e tij të fundit në karrierën si futbollist aktiv me skuadrën e tij HJK Helsinki në humbjen 4-2 ndaj PAOK në Ligën e Konferencës.
Hetemaj realizoi nga penalltia golin e fundit në ndeshje, në kohës shtesë për rezultatin përfundimtar të takimit.
37-vjeçari u inkuadrua në lojë si zëvendësues në minutën e 66-të.
Hetemaj ka karrierë të madhe si futbollist, ku pjesën më të madhe e ka kaluar në Serie A.
Ai luajti për klube si AEK, Apollon Kalamarias, Twente, Brescia, Chievo, Benevento, Reggina dhe e mbylli karrierën te Helsinki në Finlandë.
Në Serie A ai zhvilloi mbi 300 ndeshje ku shënoi 8 gola dhe dhuroi 19 asistime.
Me Finlandën ka 49 paraqitje dhe 4 gola të shënuar. /Telegrafi/
