Përparim Hetemaj afër vazhdimit të kontratës me Beneventon

Mesfushori shqiptar, Përparim Hetemaj është afër rinovimit të kontratës me skuadrën e tij, Beneventon, shkruan “Zeri.info”.

Bisedimet mes futbollistit “kuqezi” dhe klubit të Serisë A kanë filluar.

Drejtori sportiv i Beneventos, Paszuale Foggia ka potencuar se bisedimet më lojtarët e tjerë do të nisin javën tjetër, ndërkaq ka shtuar se klubi është i kënaqur me Përparim Hetemajn.

Lojtari nga Kosova u transferua te Benevento pas aventurës te Chievo në shtatorin e vitit të kaluar.

Hetemaj këtë edicion ka ndihmuar skuadrën e tij me një asistim dhe ka zhvilluar dhjetë ndeshje.

Ndryshe, Benevento me Hetemajn momentalisht ndodhen në vendin e dhjetë në elitën e futbollit italian me 18 pikë të grumbulluara. /Zeri.info/