Përmbytet lagja “Halim Aga”

Gjilan – Reshjet e fundit e treguan qartë edhe një herë, sa herë bie shi i madh, ne banorët e lagjes “Halim Aga” në Qendër të Qytetit rrezikojmë përmbytje sepse projekti i lumit vazhdon të lihet në mëshirë të fatit. Kjo nuk është gabim teknik, kjo është dështim institucional ndër vite dhe mos¬përfillje e hapur ndaj qytetarëve ka shkruar Ujmir Krasniqi.

Postimi i plotë i Ujmir Krasniqit:

Është e turpshme që, pas kaq shumë premtimeve dhe fillimeve gjysmake, lumi ende nuk është rregulluar si duhet. Banorët jetojnë me frikë, ndërsa përgjegjësit heshtin. Askush nuk mban përgjegjësi, askush nuk jep llogari, por rrezikun e përballojmë vetëm ne.

Sa herë duhet të përmbytemi që dikush të kuptojë se ky projekt duhet përfunduar urgjentisht?
Mjaft me arsyetime. Mjaft me vonesa.

Koha për veprim ka kaluar, tani kërkohet përgjegjësi dhe zbatim i menjëhershëm, sepse si banorë jemi lodhur më nga kjo frikë!