Përmbyllet konventa programore e LDK-së, Haziri pret ta nxjerr Gjilanin nga kriza

Gjilan – Lutfi Haziri duke folur për rolin e konventës tha se LDK-ja e Gjilanit programin qeverisës do ta bëjë së bashku me të gjithë aktivistët partiakë, qytetarët e Gjilanit, grupet profesionale. Do ta nxjerrim Gjilanin nga keqqeverisja sepse Gjilani është zhytur në depresion politik e ekonomik. Dhe krejt kjo falë politikës së keqe dhe agresive që ka treguar Qeveria e Kosovës , madje edhe ndaj partisë së saj në Gjilan tha Haziri.

Debatet për hartimin e programit final janë të hapura deri në vjeshtë ku do të finalizohet programi qeverisës. E gjithë kjo tregon që ne jemi të përkushtuar në maksimum ta dëgjojmë qytetarin dhe të gjitha kërkesat e tyre të përfshihen në programin tonë final Aleanca e LDK-së, është aleancë me qytetarin gjilanas ka thënë në përmbyllje të konventëës Lutfi Haziri raporton rajonipress.

Lidhja Demokratike e Kosovës (LDK) Dega në Gjilan, të dielën ka përmbyllur me sukses Konventën e madhe programore të saj, pas hapjes së djeshme në sallën e Teatrit të qytetit, ku prezent ishte një numër i madh i mysafirëve nga gjithë Kosova, Kosova Lindore e Maqedonia, ku në hapjen e kësaj konvente u bë edhe zyrtarizimi i kandidatit për kryetar të Gjilanit Lutfi Haziri.

Zyrtarizimi i Hazirit u bë nga kryetari i LDK-së, Akademik Isa Mustafa.

Lutfi Haziri kryetar i LDK-së dhe kandidatë për kryetar të Gjilanit tha se me ardhjen e LDK-së në pushtet do të largohet krimi i organizuar e korrupsioni.”LDK në Gjilan e Kosovë do të rikthehet fuqishëm atje ku ishte para disa viteve. Kemi bërë gabime në këtë rrugë tonën, por tani është koha që të jemi unik. Ndarja e LDK-së ishte e dhimbshme dhe me pasoja sepse pala e tretë e shfrytëzojë këtë përçarje” tha Haziri.

Haziri duke folur për rolin e konventës tha se LDK-ja e Gjilanit programin qeverisës do ta bëjë së bashku me të gjithë aktivistët partiakë, qytetarët e Gjilanit, grupet profesionale.”Do ta nxjerrim Gjilanin nga keqqeverisja sepse Gjilani është zhytur në depresion politik e ekonomik. Dhe krejt kjo falë politikës së keqe dhe agresive që ka treguar Qeveria e Kosovës , madje edhe ndaj partisë së saj në Gjilan” tha Haziri.

Haziri tha se sipas një hulumtimi del se në Gjilan 42 % e qytetarëve jetojnë në varfri. Haziri tha se ka shumë fusha ku Gjilani po çalon dhe po rrënohet çdo ditë. “Gjilani është i vetmi rajon në Kosovë ku Qeveria nuk i mirëmban rrugët dhe nuk kujdeset për to, e mos të flasim për investime të reja. Qeveria e ka anashkaluar dhe dënuar Gjilanin dhe tani jemi në pikën zero dhe me shumë borxhe e telashe të mëdha” shtoj Haziri.

Haziri tha se Konventa Akademike dhe programore e LDK-së do të vazhdojë edhe të dielën ku së bashku do të hartohet strategjia dhe nevojat e kërkesat e qytetarëve të Gjilanit do të jenë në fokus dhe në prioritet të tij.

Gjithashtu gjatë mbajtjes së konventës degës së LDK-së në Gjilan iu bashkua një numër i madh – mbi 500 veta, zonja të nderuara, artiste dhe sportiste të komunës së Gjilanit, ku ky numër shkon në 2000 duke llogaritur edhe numrin e mëhershëm të aderuesve të rinj që kanë aderuar në LDK thuhet në një njoftim të LDK-së.

Gjithashtu, të dielën në ditën e dytë të Konventës së LDK-së, komisionet profesionale të Degës, në bashkëpunim me qytetarët, kanë bashkëbiseduar për të hartuar programin qeverisës të LDK-së.

Nga ky takim përmbyllës sipas zyrtarëve të LDK-së dolën konkluzione të ndryshme dhe shumë efikase nga të gjitha grupet punuese në sferën e Arsimit, Shëndetësisë, Zhvillimit Ekonomik dhe Agrokulturës, Shërbimeve Publike, Prona dhe Urbanizmi, Mbrojtje dhe Shpëtimi si dhe Kultura, Rinia dhe Sporti./rajonipres