Përkundër ofertave të mëdha nga klubet tjera, Berisha e ka të vështirë largimin nga Salzburgu

Mesfushori i Kombëtares së Kosovës, Valon Berisha, e sheh veten në fanellën e Red Bull Salzburgut edhe edicionin e ardhshëm, përkundër ofertave të majme që ka marrë.

Berisha të hënën në një intervistë të dhënë për gazetën “Die Presse” ka thënë se e sheh veten edhe në edicionin e shtatë te skuadra austriake, për shkak se ndihet shumë mirë përkundër ofertave të shumta që i ka nga gjithë Evropa.

Berisha, 25-vjeçar, këtë edicion është ndër më të dalluarit te Salzburgu dhe nga mediat austriake po cilësohet si zemra e ekipit.

Ai deri më tani ka shënuar 12 gola dhe ka asistuar nëntë herë në 39 paraqitje në të gjitha garat. /Express/