Përkujtohet në tre vjetorin e vdekjes ekonomi i FC Dritës, Naser Sylejmani

Gjilan – Naser Sylejmani i cili një jetë të tërë ia kushtoi ngjyrave “bardhekaltër”, të FC Dritës, kishte ndërruar jetë pikërisht para tri vitesh, duke lënë zbrazëti të madhe tek familja e klubi i Dritës.

Naser Sylejmani kishte ndërruar jetë në moshën 65 vjeçare. Ai në mesin e FC Dritës ishte plot 40 vite.
Naseri ishte person i veçantë e i dashur, ai linte përshtypje të madhe me sjelljen e bujarin e tij, si tek futbollistët poashtu edhe tek tifozët “Intelektualët”.
Ai me sjelljet e tija kishte fituar simpati e respekt tek të gjitha klubet kosovare.
Në këtë përvjetor të tretë, Shpend Sylejmani me dinjitet e respekt kujton prindin e tij. “E dhimbshme është kjo ditë për familjen tonë, por është krenari që kishim një prind siç ishte babai ynë. Ai ishte i të gjithëve, ishte djalë i qytetit, i FC Dritës e i tifozëve. Ai gëzonte respekt dhe nderohej kudo që paraqitej. Me shumë krenari do të eci rrugëtimit të tij dhe nga zemra e falënderoj çdo qytetar e posaçërisht krerët e FC Dritës të cilët asnjëherë nuk e harruan prindin tim”, ka bërë të ditur Shpend Sylejmani. Naser Sylejmani në fillimet e Fc Dritës ishte njiherit edhe futbollist i kësaj skuadre i cili luante në rolin e qendërmbrojtësit /rajonipress/